Nun me piace (di Maria Clotilde Cundari)

Maria Clotilde Cundari

Nun me piace                                                                                       

Nun me piace ‘ stu munno ‘e cattiveria

‘sta voglia ‘e cummanna’

‘sta smania ‘e ricchezza  

Nun me piace                            

ca tutto chello ca succere

nun tène cchiù valore 

nun tène sentimento … 

tutto se fa’ pensanno sulo a sé

alla ricerca ‘e comme fottere ll’ato 

‘e comme accaparrarsi ‘o meglio. 

‘A ggente s’accire  comme se niente fosse:

‘e pàte cu ‘e figli, ‘è figli cu ‘ ‘e nonni

se stuprano femmene, ‘e creature

l’uommene s’impiccano,

se vottano abbascio,

s’abbandonano ‘e viecchie

‘e malati, ‘e creaturelle,           

‘e mmaestre vattono ‘e bambini,

‘e contadini ci avvelenano ‘a frutta e ‘a verdura 

e le industrie ‘o magna’,

pure ‘e giocattoli t’accirono,

nisciuno se ferma

manco di fronte ‘e creature …

Ma addo’ stanno

chille sentimenti accussì belli?

… ‘o rispetto, ‘o curaggio,

l’orgoglio, ‘a carità ….

addo’ stanno ‘e sogni

addo’ sta l’ammore…

Nun me piace!