Zitto (di Tina Piccolo)

Tu te staie zitto a ccà

e io me stò zitta a llà,

parlano ll'uocchie sulo,

luceno comm''e stelle,

ma restamme 'ncantate

a ce guardà....

Forse nun ce credimme

a sta felicità.....

E senza na parola

'nce alluntanamme,

cu na prumessa

ca nun mantenimme....

Povere a nuie,

l'ammore vò 'o curaggio

e invece zitte e mute

turnamme a campà

'a solita vita.....

lassamme sti brillante

mmiez''a via,

cu 'a smania dint''o core

e na malincunia

ca era fatta 'e vase

e carezze senza fine....

Zitto tu...zitta io

e 'nce perdimme sta felicità....

Tina Piccolo

diritti riservati