Francisco (di Biagio Merlino)

Francisco ommo santo e beneditto

c’a vesta longa comme ò ggiglio bbianco

passe pe chella ggente tanto afflitta

e all’intrasatta na campana canta.

Che nce facimme cca ? Vuje m’’o spiegate?

Tutto nu Corso ca ll’aspetta ansiuso ;

‘e bbanderelle dint’’a ventecata

songhe carezze nmano ‘e cchiù mpicciuse.

‘E ccarruzzelle tutte mmieze ‘a via,

‘e ccriature mbraccie ‘a nnonne e mmamme

è scumparuta ogni suvirchiarìa

‘o ricco è eguale e chi se more ‘e famma.

Quanno ce parla ,parla Ggiesù Cristo,

misericordia p’’e st’umanità;

senza st’ammore niente cchiù ce resta

e cchistu munno nun se vo salvà.

E d’’a Madonna ‘o nomme ‘a pepetiato

‘a primmavera se gghinguta ‘a vocca

ò cammurriste l’arma ‘a sutterrato

e o cielo azzurro s’è accunciat''a ciocca

Na lacrima s’è data appuntamento

‘A pizza c’addiventa macchia ‘e sango

‘O sole arreta ‘’o munno more ardente

e na viola nasce ‘a dint’’o fango.

Biagio Merlino

Diritti Riservati

Francesco, uomo santo e benedetto

la veste lunga come il giglio bianco

passa per quella gente tanto afflitta

e d’improvviso una campana canta.

Che ci facciamo qui ? Voi mi spiegate?

C’è tutto un Corso che l’aspetta ansioso:

tante bandiere tutte ventilate

sono carezze in mano a tanti astiosi.

Le carrozzelle degli ammalati in fila per la via,

tante creature in braccio a nonne e mamme..

Sembra scomparsa ogni soverchierìa

ed ogni ricco è uguale ad un morto di fame.

Quando lui parla, sembra che parli Cristo.

Misericordia per l’umanità

senza l’amore ma che altro resta,

e questo mondo che non si vuol salvare.

Della Madonna il nome ha pronunciato.

La primavera si è riempita la bocca.

Il Camorrista l’arma ha sotterrato.

Il cielo azzurro ha levigato il fiocco…

Una lacrima s’è data appuntamento.

La Pizza qui si fece macchia di sangue.

Il sole dietro al monte muore ardente

e una viola nasce dentro al fango.

Biagio Merlino

diritti riservati